|
Haec est pagina in quo libere scribere verba latina quae fluunt per animum. "Animi rivus" est latina conversio anglicae vocis "stream of consciousness". Ansgarius Magna Capita (Oscar Testoni)
Dies quartus mensis Novemberis, MMXXI A.D. - Iovis Dies
O Mari
Cum transeo iuxta eclesiam quae tua fuit, Mari, animus meus transilit ob desiderium. Te careo, magister vitae! Ansgarius Magna Capita vel Testones (Oscar Testoni)
Dies secundus mensis Novemberis, MMXXI A.D. - Dies mortuorum
Sol et mortui
Olim sol vobis ridebat, pater et mater! Sicut hodie hic sol ridet in caelo sine nubibus, dum folia flava fiunt, et vos ridetis in imaginibus in lapidibus. Alius sol vobis ridet et vos fovet? Veniam ego quoque et id sciam vel nihil sciam. In te Domine speravi, non confundar in aeternum. Non confundamur in aeternum. Ansgarius Magna Capita vel Testones (Oscar Testoni)
dies vicesimus quartus mensis Ianuarii, MMXXI A.D.
Vita et amor
Hodie audivi aliquem qui opinat homines quaerere amorem et vitam
Careo vita et amore. Sito vitam et amorem Ansgarius Magna Capita vel Testones (Oscar Testoni)
ante diem quartum Kalendas Ianuarias, MMXX A.D.(29/12/20)
Sero
Sero
"Sero" est adverbĭum quod melius descibit vitam meam. Estne melius "sero" quam "numquam"? Forsitan Sed qui sero venit ianuas clausas saepe invenit. Ansgarius Magna Capita vel Testones (Oscar Testoni)
ante diem quintum Kalendas Ianuarias, MMXX A.D.(28/12/20)
Hiems
Si aestimas tristem vitam sine amore, quam tistiorem debes putare vitam sine spe amoris, immo multo tristiorem si talis vita vivitur cum muliere qui coram Deo tibi promiserat amorem in gaudio et in dolore, in sanitate et in infirmitate, sed qui non valet servare promissionem!
Est aeterna hiems. Ansgarius Magna Capita vel Testones (Oscar Testoni)
A.d. VIII Kalendas Ianuarias, MMXX A.D.(25/12/20) - Dies natalis Iesu Christi
Verbum et caro mea
Verbum caro factum est.
Sicut Maria vivamus gravidi Verbo et sic caro nostra etsi sine verbis Verbum sapiat. Bonam vitam plenam, immo gravidam vobis omnibus exopto! Ansgarius Magna Capita vel Testones (Oscar Testoni)
Idus Decembres, MMXX A.D.(13/12/20) - antiquitus: Tellus - aevum christianum: Sancta Lucia - III Dominica Adventus (Iohannes Baptista: vox clamantis in deserto)
Quis es?
- Quis es?
- Vox silentis et maerentis in deserto! - Vox silentis contradictio est: qui silet vocem non emittit. - Vere! Vocabula non pauca vocabula dicere debeo cotidie ... sed verba non sunt ... a Verbo absunt. - Denique non in deserto sed in urbe vivis! - In deserto vivo etsi in urbe incolo. Immo cotidie loquor et loquor et nonnumquam clamo in deserto cybernetico et forte unus discipulus microphonum activum habet et ... nympha Echo pie mihi respondet vocabula mea ... mea ...ea.... Ansgarius Magna Capita vel Testones (Oscar Testoni)
Pridie Idus Apriles, MMXX A.D.(12/04/20): Ludi Ceriales / Pascha Iesu Christi
Hortus et cura
Annum iam secundum non curo hortulum meum in parvae urbanae pergulae testis: brevitas temporis mihi erat et est et transitum in novam domum expectabam et expecto. Pauca horae momenta hodie hortuli mei studui, sed dum ego eum curavi, curaverunt me arbusta et flores. Ansgarius Magna Capita vel Testones (Oscar Testoni)
Ante diem tertium Idus Apriles MMXIX A.D.(11/04/20) - / Sancta Sabbata
Bonam Pascham resurrectionis vobis exopto
secundum Marcum 6 Et cum transisset sabbatum, Maria Magdalene, et Maria Jacobi, et Salome emerunt aromata ut venientes ungerent Jesum. 2 Et valde mane una sabbatorum, veniunt ad monumentum, orto jam sole. 3 Et dicebant ad invicem: Quis revolvet nobis lapidem ab ostio monumenti? 4 Et respicientes viderunt revolutum lapidem. Erat quippe magnus valde. 5 Et introeuntes in monumentum viderunt juvenem sedentem in dextris, coopertum stola candida, et obstupuerunt. 6 Qui dicit illis: Nolite expavescere: Jesum quaeritis Nazarenum, crucifixum: surrexit, non est hic, ecce locus ubi posuerunt eum. 7 Sed ite, dicite discipulis ejus, et Petro, quia praecedit vos in Galilæam: ibi eum videbitis, sicut dixit vobis. 8 At illae exeuntes, fugerunt de monumento: invaserat enim eas tremor et pavor: et nemini quidquam dixerunt: timebant enim 12 Post haec autem duobus ex his ambulantibus ostensus est in alia effigie, euntibus in villam : 13 et illi euntes nuntiaverunt ceteris : nec illis crediderunt. 14 Novissime recumbentibus illis undecim apparuit : et exprobravit incredulitatem eorum et duritiam cordis : quia iis, qui viderant eum resurrexisse, non crediderunt. 1 secundum Iohannem Una autem sabbati, Maria Magdalene venit mane, cum adhuc tenebrae essent, ad monumentum : et vidit lapidem sublatum a monumento. 2 Cucurrit ergo, et venit ad Simonem Petrum, et ad alium discipulum, quem amabat Jesus, et dicit illis : Tulerunt Dominum de monumento, et nescimus ubi posuerunt eum. 3 Exiit ergo Petrus, et ille alius discipulus, et venerunt ad monumentum. 4 Currebant autem duo simul, et ille alius discipulus præcucurrit citius Petro, et venit primus ad monumentum. 5 Et cum se inclinasset, vidit posita linteamina : non tamen introivit. 6 Venit ergo Simon Petrus sequens eum, et introivit in monumentum, et vidit linteamina posita, 7 et sudarium, quod fuerat super caput ejus, non cum linteaminibus positum, sed separatim involutum in unum locum. 8 Tunc ergo introivit et ille discipulus qui venerat primus ad monumentum : et vidit, et credidit : 9 nondum enim sciebant Scripturam, quia oportebat eum a mortuis resurgere. 10 Abierunt ergo iterum discipuli ad semetipsos. 11 Maria autem stabat ad monumentum foris, plorans. [...] Ansgarius Magna Capita vel Testones (Oscar Testoni)
Novi heroes
Ecce novi heroes, nova desiderii argumenta, novi pulchritudinis artifices, novi magistri gustui, elegantiae, sensui, vitae, ii qui iubent quod nobis libendum est, desiderandum est, ii qui possunt humilem facere quemlibet: COQUI!
Egeo pueritiae meae odoribus et saporibus. Odores et sapores qui in meae praesentis familiae vita absunt. Solus sum, sed occulte rursum inveniam, cum nemo in coquina aderit!
Ansgarius Magna Capita vel Testones (Oscar Testoni)
Ante diem nonum Kalendas Augustas MMXIX A.D.(24/07/19) - Meridie - Ludi Victoriae Caesaris / Sanctus Charbel (Ioseph) Makhluf
Homo penitus erratus etsi alicuius ingenii sum
Homo penitus erratus etsi alicuius ingenii sum.
Ansgarius Magna Capita vel Testones (Oscar Testoni)
Ante diem nonum Kalendas Augustas MMXIX A.D.(24/07/19) - Ante meridiem - Ludi Victoriae Caesaris / Sanctus Charbel (Ioseph) Makhluf
Ubi eram? Cur sero?
Ecce ego quinquaginta trium annorum scandendus sum montem altiorem tempore mihi relicto. Quid adhuc feci? Ubi eram? Cur sero officium debitum mihi datum est? Cur sero aliquam viam inveni?
Ansgarius Magna Capita vel Testones (Oscar Testoni)
Dominis die, pridie Nonas Iulias (06/07/19): Festum Fortunae muliebris, Ludi Apollinares - Sancta Maria Goretti.
Humana effecta calidi
Humani evaporantur in aliquem vacationis locum vel domum. Calidum solitudinem generat. Ipsa voluntas evaporatur ex hominibus.
Ansgarius Magna Capita vel Testones (Oscar Testoni)
Dominis die, ante diem sextum Kalendas Iulias (26/06) MMXIX A.D.
Pro docentibus, qui Orberg libro utitur
Ecce docentibus, qui Orberg libro utitur, anni et mensium tabulam a capitulo XIII linguae latinae per se illustrata hic pono. Nolo hanc paginam ad arti docendi deditam esse, sed hanc tabulam scripsi et hic pono.
Ansgarius Magna Capita vel Testones (Oscar Testoni)
Dominis die, ante diem sextum Idus Iunias (08/06) MMXIX A.D.
Dans medioaevalis?
Iis, qui mihi dicunt Dantem medioaevalem esse, semper respondeo: "Dans minus medioaevalis est quam tu es filius aevi tui"
Ansgarius Magna Capita vel Testones (Oscar Testoni)
Dominis Die, ante diem VIII id. MMXIX A.D.
Extrema ludi hebdomada
Extrema ludi hebdomada est dura, infausta et inutilis. Ansgarius Magna Capita vel Testones
Dominis Die, ante diem quartum decimum Kalendas Iunias (19/05) MMXIX A.D. - hora duodecima
Magnitudo et finis
... vidi un foco / ch'emisperio di tenebre vincia. (Dans)
Divina est humani animi et mentis lux. Illa infernales tenebras vincit. Sed sine divina gratia finem habet, hemisphaerium delineat, non ultra it, cor humanum non satiat, animum non salvat. Stupor et admiratio ante humanam magnitudinem in Dante sunt, sed etiam conscientia eius finis, finitionis, limitis. Ansgarius Magna Capita vel Testones
Dominis Die, ante diem quartum decimum Kalendas Iunias (19/05) MMXIX A.D. - hora undecima
Vitae sensus: quaerere, petere, invenire!
Non solum vitae sensum quaerere opus est, sed etiam petere. Possumus eum quaerere et non invenire. Possumus eum quaerere et invenire, sed satis non est.
Si sensum invenimus, non possumus eum habere: non est stabilis possessio, non est possessio. Debemus continue petere et vivere eum. Et vivere eum est nova, continua et non facilis quaestio. Ansgarius Magna Capita vel Testones
Veneris Die, ante diem sextum decimum Kalendas Iunias (17/05) MMXIX A.D. - secunda vigilia
Cur non volo vivere ad quaestus pecuniae sicut alii?
Cur non volo vivere ad quaestus pecuniae sicut alii? Cur ad talem vitam fastidium habeo? Cur non possum non laborare circa aliquid qui sensum habeat? Cur semper excrucior propter quod feci vel non feci, quod debeo facere et quero sensum horum rerum quae feci et quae facturus sum?
Cur non possum vivere? tantum vivere? Non possum! Semper debeo quaerere sensum vivendi, faciendi et operandi. Ansgarius Magna Capita vel Testones
Veneris Die, ante diem sextum Idus Iunias (8/6) MMXVIII A.D. - hora nona
Labor an arrogantia?
Vanum est vobis ante lucem surgere et sero quiescere,
qui manducatis panem laboris, quia dabit dilectis suis somnum.(Psal. 127/126, 2) Ansgarius Magna Capita vel Testones
Iovis Die, ante diem septimum Idus Iunias (7/6) MMXVIII A.D. - hora nona
Tria theae pocula
"Primum cum tuam theam communicas cum baltì, externus es. Bis, honoratus hospes es. Ter unus familiae fis, et familiae nostrae parati sumus ad quamvis rem faciendam, ad moriendum adhuc" dixit [Haji Ali] amanter ponens manum suam super Mortenson manum. "Doctor Greg, debe invenire tempus tria theae pocula communicandi. Forsitan indocti sumus. Sed insulsi non sumus. Viximus et superfuimus hic valde longe." (Greg Mortenson - David Oliver Relin)
Ansgarius Magna Capita vel Testones
Mercurii Die, pridie Kalendas Martias MMXVIII A.D. - tertia vigilia
Nivis provisio
Multam nivem expectamus. Cras videbimus. Nunc melius est dormire.
Ansgarius Magna Capita vel Testones
Martis Die, ante diem tertium Kalendas Martias MMXVIII A.D. - hora decima
Nihil sicut sol
Hodie vidit solem: non reminiscebar quantum mihi opus erat sole. Nunc reminiscor et anima mea laetatur
Ansgarius Magna Capita vel Testones
Lunae Die, ante diem quartum Kalendas Martias MMXVIII A.D. - hora decima
Joshua Bell
Non tam pulcher dies fuit et lassus eram, sed laetabar Shubert "fantasia" (imaginatione) a Joshua Bell canta. Etiam bis et ter me delectaverunt.
Ansgarius Magna Capita vel Testones
Domini Die, ante diem quintum Kalendas Martias MMXVIII A.D. - vespere
Clarior
Minus "griseus" quam censueram fuit hic dies, etsi "griseus" fuit caelus
Ansgarius Magna Capita vel Testones
Domini Die, ante diem quintum Kalendas Martias MMXVIII A.D. - mane
Et transfiguratus est coram ipsis
et vestimenta eius facta sunt splendentia, candida nimis, qualia fullo super terram non potest tam candida facere. (Mc IX, 2-3)
Ansgarius Magna Capita vel Testones
Domini Die, ante diem quintum Kalendas Martias MMXVIII A.D. - mane
Nix et animus
Candida, levis nix et niger, gravis animus coniunguntur.
* latinus tardus et barbaricus (Cfr. Ottorini Pianigiani Linguae Italianae Etymologicum Lexicon)."Griseus"* et tolerabilis fit animus. Ansgarius Magna Capita vel Testones
Domini Die, ante diem duodecimum Kalendas Martias MMXVIII - meridie
Sine amore homo vacuus est
Animo deficere et delectari possum.
Me inflammare novi consilii gratia possum, sed sine amore homo vacuus est. Ansgarius Magna Capita vel Testones
Lunae Die, Kalendis Ianuariis MMXVIII A.D.
Annum novum felicem et verum et plenum sensus et pacificum et iustum esse opto et precor. Ansgarius Magna Capita vel Testones
 Domini Die, ante diem octavum Kalendas Ianuarias MMXVII A.D.
Bonum Iusu Christi Natalis diem! Ansgarius Magna Capita vel Testones
Lunae Die, a.d. III Idus Decembres MMXVII A.D. - crepusculo
Verba qui tibi non dixi
Cogito ad verba qui tibi non dixi, mater.
Ansgarius Magna Capita vel Testones
Dominis Die, pridie Idus Februarias MMXVII A.D. - meridie
Hominis stultitia universalis est
Stultitia universalis est. Semper videmus alienam stultitiam. Cum e nobis eximus et supra nos nos videmus, nostram stultitiam invenimus.
Nos pudet. Melius est nos ridere. Saepe me pudet vel me rideo. Se ridere sapientia est. Igitur sapiens sum. Sic est, sed etiam stolidus. Vere. Hominis stultitia universalis est. Ansgarius Magna Capita vel Testones
Veneris Die, ante diem tertium Nonas Februarias MMXVII A.D. - hora nona
Sanctus Ansgarius
Euge, hodie Sanctus Ansgarius, Episcopus Daniae et Sueciae, ab Ecclesia Catholica commemoratur
Ansgarius mihi nomen est. Ansgarius Magna Capita vel Testones
Martis Die, pridie Kalendas Februarias MMXVII A.D. - ultima vigilia
Italia cives suos ridet
Omnia in Italia contradictio paret. Cavillum. Facetiae.
Italia cives suos ridet. Scienter? Nescio. Sed Italiam cives suos ridere paret. Inde? Qui lepidus est, rideat! Qui austerus est, migrat! Qui iocularis non est, sed migrare non vult, patiatur! Ansgarius Magna Capita vel Testones
Veneris Die, ante diem sextum Kalendas Februarias MMXVII A.D. - secunda vigilia
Quis vere libertatem vult?
Omnes libertatem volere dicunt, sed quis vere libertatem vult?
Omnis optio ardua et gravis est. Homo, qui sempre debet optare selectionem, defessus est. Libertatem omnes volere dicunt sed facilior est pati alios optionem facere et deinde conqueri. Vere volo sumere aleam seligendi? Libertatem custoditam et tuitam malo et malumus omnes! Recte dixit Dostoevskij in Fratrum Karamazov libro (in paginis in quibus magnus inquisitor loquitur) Ansgarius Magna Capita vel Testones
Iovis Die, pridie Idus Ianuarias MMXVII A.D. - secunda vigilia
Homo homini res sacra
Una universalis civitas est.
Homo homini non lupus, sed frater et soror est. Fraternitas humanitatis fundamentum est. Homo homini res sacra est. Homo homini res sacra debet esse. Ansgarius Magna Capita vel Testones
Die Iovis, Nonis Ianuariis MMXVII A.D. - hora sexta
Paulula veritas in politicis notitiis et orationibus est
Paululam veritatem invenio in diurnis actibus (ephemeridinibus) et publicis orationibus.
Paululam publicam veritatem invenio in amicorum facierum-libri paginis. Paululam veritatem habemus sed multas veritates nuntiamus et proclamamus. Stulti sumus sed putamus nos totam veritatem possidere. Ansgarius Magna Capita vel Testones
Domini Die, Kalendis Ianuariis MMXVII A.D. Adonis Montis pax contra nefandam caedem
Hodie, priusquam nefandae caedis nuntius ad me pervenit, naturae pacem et pulchritudinem quaesivi et consecutus sum.
Ad Adonidis montis cacumen cum amico meo et mea filia ivi. Gratias ago. Gratias Deo, naturae, amicis, meae voluntati ago. Deinde nuntius! Lassus sum Cur homines sic scaelesti sunt? Ansgarius Magna Capita vel Testones
 Domini Die, Kalendis Ianuariis MMXVII A.D. Quisquis necat fratrem suum in cuiuslibet dei nomine, sui dei vultum efferat et foedat
Quisquis necat fratrem suum in cuiuslibet dei nomine, sui dei vultum efferat et foedat.
Quis dein vellet confiteri huiusmodi deum? Certe non ego. Malo credere Deo viventium et amoris. Nunc Asiam Minorem et suos mortuos et familias mortuorum defleo et pro eos oro. Ansgarius Magna Capita vel Testones
Domini Die, Kalendis Ianuariis MMXVII A.D.
 Sabbati (vel Saturni) Die, pridie Kalendas Ianuarias MMXVI A.D.
Annum novum felicem et verum et plenum sensus et pacificum et iustum esse opto et precor. Mihi, tibi et omni terrae. Ansgarius Magna Capita vel Testones
 Domini Die, ante diem octavum Kalendas Ianuarias MMXVI A.D.
Bonum Iusu Christi Natalis diem! Ansgarius Magna Capita vel Testones
Domini Die, a.d. III Idus Decembres MMXVI A.D. - crepusculo
Amplexus qui tibi non dedi
Vellem tibi dare amplexus qui tibi non dedi, mater.
Ansgarius Magna Capita vel Testones
Die Sabbati (vel Saturni), a.d. XVI Kalendas Mai MMXVI A.D. - hora decima
Mortui docent
Triste est homines nos docere plus in morte quam in vita.
Miseremini nostri stultorum viventium. Ansgarius Magna Capita vel Testones
 Die Sabbati (vel Saturni), postridie Kalendas Apriles MMXVI A.D. - hora nona
Mater, florescit planta tua
Mater, florescit planta tua. Ver est. Ansgarius Magna Capita vel Testones
Veneris Die, a.d. III Idus Decembres MMXV A.D. - crepusculo
Assuevi putare eam immortalem.
Assuevi putare immortalem matrem meam.
Tamen pater meus abhinc duodecim annos mortuus est. Sed mater mea dissimilis erat. Iam transit per Caudinas furculas et semper se erexit. Alias eam luxi, sed ea vixit. Nunc bona tempora vivebat: sciebamus veterem esse, sciebam morituram esse. Nemo cogitabat posse vero mori. Nunc vero eam lugeo. Ansgarius Magna Capita vel Testones
Dominis Die, a.d. XV Kalendas Decembres MMXV A.D. - hora duodecima
 Gallus sum
Non credo causis et excusationibus huius quod factum est in Lutetia, sicut non credidi causis et excusationibus huius quod factum erat in Nova York, in Londinio, in Madrito et in aliis urbibus. Nulla excusatio potest dici. Hoc inhumanum est.
Sed non credo Hollandis verbis ("Gallia saeva erit"), sicut non credidi Bush, Aznar, Blair actibus qui bella gesserunt in Bactria et Mesopotamia et magnam instabilitatem in toto Medio Oriente qui protulit terrorem et Isis. Quoque tormentorum coniectio in Falluja inhumana fuit. Debemus defendere nos a barbaria sed magna cum intellegentia ne proferant alium terrorem et alia bella et alia inhumana acta et aliam barbariam ab utroque latere. Non debemus in insidias deducere. Hoc est quod "barbari" volunt. Manere humanes et simul fortes necesse est. Non fortes et saevi! Nunc Galliam et mortuos et familias mortuorum defleo et pro Lutetia oro. Ansgarius Magna Capita vel Testones
Martis Die, a.d. XI Kalendas Octobres MMXV A.D. - prima vigilia
Discrepantia
Genus humanum semper plus contemno.
Et amicitiam sitio. Prima sententia repugnat secundae. Quare id faciam fortasse requiris. Nescio sed fieri sentio et exscrucior Ansgarius Magna Capita vel Testones
Iovis Die, a.d. XIV Kalendas Octobres MMXV A.D. - prima vigilia
Negotii vortex
Ecce iam rursus confusus in vortice negotii mei sum.
Ecce iam differre debeo vitam meam ad tempora futura. Imagines montium hic contentae sunt memoria lontana quasi aliena Non nimios ferias volo, sed plenas, et negotium et otium simul. Ansgarius Magna Capita vel Testones
Veneris Die, a.d. V Kalendas Septembres MMXV A.D. - prima vigilia
Sitis
Hodie catholica Ecclesia in Sancti Augustini Hipponensis memoriam revocat.
Augustinus dixit: "inquietum est cor nostrum". Verum est: cor meum inquietum est. Magnam sitim habeo. Sitio amorem, sitio amicitiam, sitio iustitiam, sitio veritatem, sitio felicitatem, sitio plenitudinem. Quis vel quid poterit meam sitim restinguere? Non poterit hoc malum tempus. Non ulla amicitia, non uxor mea, non mea imperfecta rectitudo, non ullum meum propositum, non ullum futurum tempus poterit. Animae meae necesse est sicut puer ablactatus ad matrem suam fiducialiter se committere. Cui? Fecisti nos ad te et inquietum est cor nostrum donec requiescat in te. Ansgarius Magna Capita vel Testones
Iovis Die, a.d. VI Kalendas Septembres MMXV A.D. - prima vigilia
Reformatio? Bona servanda sunt!
Reformatio est novum verbum. Qui refomat, renovat et mutat rempublicam et civitatem est homo validus, verus et fortis. Renovare et
mutare non semper est facere res meliores. Nam res mutatae possunt esse peiores quam erant.
Sed populus amat verba nova et repetita et credit esse vera et iusta solum quia repetita. Civis ius deminuitur. Sed hoc "reformatio" appellatur, igitur populus putat esse bonum. Iniustitia nunc difficilius investigatur: sed hoc "renovatio" putatur et populus dicit esse bonum. Ludus publicus et schola publica quinques in viginti annis reformati sunt et nunc peiores sunt, sed cives felices sunt, quia haec sunt "reformationes" (si semper nova reformatio necesse est forsitan reformationes non semper bonae sunt). Senatus non elegetur a populo ut adhuc est: reformatio est sed populi potestas (in lingua vulgare: populi "sovranitas") diminuetur. Ecce verbum meum novum: "servare". Bona servanda sunt. Quod est bonum populo, servandum est. Quod iustitiae superest servandum est. Quod sinit pauperibus assumere facultatem et peritiam bene et sine auxiliis vivendi servandum est. Quod sinit magistratibus investigare improbos et indignos senatores, homines publicos, magnates et cives servandum est. Ludum publicum omnibus servandum est. Necesse est corrigere errata et servare relicta. Renovare? Solum ut meliores res fiunt! Hodie renovare putatur bonum etiam si renovata peiores fiunt. Renovare est verbum magicum et mirum qui praebet pulchriora peiora. Nam nunc post omnes reformationes res civibus peiores sunt. Causa et propsitum sunt, quibus res populo hodie peiores sunt! Populi oculi non vident, sed causa et propositum sunt. Ansgarius Magna Capita vel Testones
Mercurii Die, a.d. VII Kalendas Septembres (26/08) MMXV A.D. - hora quinta
Viginti anni
Hodie est anniversarius dies nostrarum nuptiarum
Abhinc viginti annos uxor mea et ego nos matrimonio iunximus. Tunc timor et animi motus me vinxerunt. Dilectio crevit. Sero amata filia orta est. Deinde? Ubi sumus? Quo imus? Quot soles1 sivimus negotia nostra, res, occupationes nobis eripere2, quot soles subducere parentes, quot vacuae consuetidines ab aliis nobis impositae! Quot soles perdidimus ob timorem, pudorem, superbiam, verba non dicta, tacitos vultus, affectum non patefactum et praebitum, neglegentiam! Quanta iuventus et media aetas delabuntur et effluunt2 stulte et culpabiliter et nunc ante nos sola senecta extenditur! Reperire perdita non possimus, colligere relicta nobis necesse est. Erimus sic sapientes ut discamus ab erratis? Ne stulti simus! Ne sinamus quidlibet auferre a nobis tempus, serenitatem, perspicuitatem, felicitatem, amorem. Ne silentium, fatigatio, languor, animus perturbatus obnubilent dilectionis verba, blanditias, comunicationem. Vivamus atque amemus!1 Viginti anni! Ubi sumus? Quo eamus? Ne nos perdeamus! 1Catullus; 2Seneca
Ansgarius Magna Capita vel Testones
  Mercuri Die, pridie Idus Augustas MMXV A.D. - prima vigilia MVCDXLIX pedes (1317 m) - Iuvenesne sumus?
Iuvenes non sumus iam. Mea filia est, sed non ego neque uxor mea: illa et ego simul XCIX annorum aetatis sumus. Sed hodie a Vernago (1700 m) ad Similaun Refugium (3017 m) ascendimus: quattuor milia quadringenti quadraginta novem pedes (4449,32 pedes = 1317 m) intervalli altitudinis sunt. Cum iuvenis eram, maiores altitudines ascendebam. Hodie possum gaudium affici. Nec volo desistere de aliis aequalis ascensionibus.
Ansgarius Magna Capita vel Testones
Martis Die, a.d. III Idus Augustas MMXV A.D. - hora duodecima
Angulus latissimus
Mihi quoque, Horatie, praeter omnis angulus ridet1. Sed angulus meus non angustus, immo amplissimus est. Montes sunt angulus meus. Ibi me invenio, animus corroboratur, visus tergitur, invenio essentialitatem. Non unus tantum mons mihi est, sed multi et multi. Et non ego montes habeo, sed ad eos eo ut ii patefaciant pulchritudinem naturae et natura et labore pulchritudinem vitae absconditae in hominis cordis profundo. Ibi solus sum, sed minus solus quam in urbe. Salutem dico omnibus cui occurro. Me sentio esse in harmonia mecum, et cum natura hominibusque.
1Hor. Carm. II, 6, 13-14.
Ansgarius Magna Capita vel Testones
Lunae Die, a.d. IV Idus Augustas MMXV A.D. - hora duodecima
Ascensus et asceticus
Est aliquid ascetici montes ascendere.
Cur libenter hunc non coactum laborem facio? Cur in vacatione mea a negotio primo mane surgo, cibaria et aquam paro et pedibus sub sole et vento dure et longe nitens ascendo montes? Ascesus est asceticus. Labor est animi purificatio. Nihil est vere et pofunde pulchri sine labore. Ansgarius Magna Capita vel Testones
Lunae Die, a.d. VI Kalendas Augustas MMXV A.D. - hora decima
Tempus vel vita
"Non accipimus brevem vitam, sed fecimus": sic dixit Seneca. Hodie vita media longior est quam antea, sed vita nostra contortior et multiplicior est quam antea. Quid dicat hodie Seneca? Fortasse eadem.
"Ceterum quidem omne spatium non vita sed tempus est" (Seneca) Forte vita nostra errata est ab imis. Ansgarius Magna Capita vel Testones
Veneris Die, XVI Kalendas Jul. MMXV A.D. - hora nona
Quot horas!
Cotidie debeo me profundere maximo studio in negotio meo, sine mora vel parsimonia temporis et virium per octo, novem, decem, undecim, duodecim aliquando etiam magis horas die, cotidie debeo alere corpus meum cibo sano, iusto, reperto et apparato maxima cura. Medici iubent me dormire septem/octo horas et ambulare minimum unam horam die propter meas invalidas inefficaces et laxos venas et spongiosa ossa. Cotidie debeo meos dentes ter die lavare, cotidie debeo sordes discernere (materias plasticas, vitrum, chartam, cibi relicta), diligenter composita domum servare, patinas lavare.
Forte vita nostra errata est ab imis.
Cotidie debeo legere libros, crescere humane et in mea arte et ad praesentia me accomodare, cotidie debeo esse maritus uxoris meae, et pater filiae meae adulescentulae. Cotidie debeo etiam curare meam senem matrem. Vellem agere aliquid aliis et bono mundi, amicitiam colere .... Haec aetas poscit me cotidie legere epistulas electronicas et respondere eis, inspicere "Quid est applicationem", "Facierum librum" et alias recentes dementias, quod nisi ita faciam, sim priscus et extra civitatem meam HERCLE!!! QUOT HORAS DEBET HABERE UNUS DIES!!! Ansgarius Magna Capita vel Testones
Veneris Die, XVI Kalendas Jul. MMXV A.D. - hora septima
Vacuus
Annus transit me, exhausit me et nunc vacuus sum. In vita hominum negotium et otium simul et pariter debunt gradi.
Si sic non est, si longo et intento negotio sine mora vel intervallo succedit subitus vacuus tempus, homo dilabitur, frangitur, iam desinit videre sensum sui! Negotium et otium simul et pariter debunt gradi!
Ansgarius Magna Capita vel Testones
Martis Die, Postridie Nonas Ian. MMXV A.D. - hora octava
Amor et amicitia verum festum est
Hodie festum Epiphaniorum est. Licet felices esse, sed hodie nec amorem nec amicitiam percipio. Edam ut consoler, quia vita trisis est, sine amore et amicitia!
Ansgarius Magna Capita vel Testones
Die Domini, a.d. VII Idus Dec. MMXIV A.D. - secunda vigilia
Latinam linguam scire non sufficit
Hodie, latinam linguam scire, non me effecit hominem meliorem aliis.
Ansgarius Magna Capita
Die Veneris, Nonis Decembribus MMXIV A.D. - secunda vigilia
K. (femina quae curat meam matrem) et mater mea
Hodie, prima vigilia, post longum diem K. (Nigrita quae curat meam matrem) telephonice mecum locuta est: mater mea vult vel cogit K. Dominis die proficisci et non redire. Nescitur si mater mea vult eliminare septimam feminam quae eam curat aut si confusa est, sicut aliquando (sed postremo saepius) evenit.
Tristis est videre proprii matris mentis demutationem et difficile est curare eam, cum superbia sua recusat ne nos et K. adiuvemus eam. Difficilior erit in dies. Quo ibimus? In pace te vivere opto, mater mea. Assentire ut tu ultimos annos tuos in pace vivas et nos adiuvemus te! Ansgarius Magna Capita
Die Iovis, pridie Nonas Decembres MMXIV A.D. - secunda vigilia
Cur latine loquor?
Salve internauta qui venis in hoc sito, fortasse requiris quare latine loquar. Cognosco multos sitos et lego cotidie commentaria plena calumnis et iniuris: nolo intellegi ab omnis, sed a paucis, qui pauci proprie non sunt. Lingua Latina enim intellegitur a doctis variarum nationum et non solum nunc sed etiam tempore futuro. Praeterea latine loqui est mentis ludus qui animum meum avertit a Italiae tristitia. Postremo spero me latina lingua attingere humanitatem et civitatem, quibus nobis opus est.
Si erro - queso -, corrige me, ut perficiar, sed non iniurima mihi fer! Gratias tibi ago! Bonam noctem! Ansgarius Magna Capita
Die Mercurii, ante diem III Nonas Decembres MMXIV A.D. - hora decima
Quis sum?
Hodie est tertius dies a sito condito. Sed quis sum? Ansgarius Magna Capita sum, e Bononia venio et Bononiae vivo. Diligo egredi ad montes, legere
libros, loqui et delectari cum veris amicis bibendo viridem theam, audire classicam vel antiquam musicam. Amo solem, nitidum coelum, viridia prata,
mundum aerem, pulchritudinem naturae, musicae, artis, verborum. Iustitiam sitio et cotidie conor nostram sororem et matrem Terram parcere. Me delectant intellegentia et ingenium, sed malo bonitatem quam dolosam et iniustam astutiam. Abhorreo ab arrogantia, a privilegio ex orto occultato a merito. Dormio paulisper quia volo facere nimis multa, sed me iuvat dormire.
Nunc debeo redire ad negotium meum et deinde debeo distribuere caseos et vinum, quia sum GAS socius. Ansgarius Magna Capita
Animi imagines
Ansgarius Magna Capita
Die Lunae, Kalendis Decembribus MMXIV A.D. Incipio hodie hunc electronicum situm, gratias ago meis duobus lectoribus qui me sequeris. Ansgarius Magna Capita 
|